أعلنت الراقصة الشرقية برديس، عن اعتزالها الرقص الشرقي تماما، وذلك على صفحتها الشخصية على موقع التواصل الاجتماعي فيسبوك، موجهة رسالة لكل متابعيها: "لكل حبايبي وإخواتي وأصحابي اللي بيحبولي الخير، أحب اقولكم أنا اعتزلت الرقص الشرقي تماما، وقراري لا رجعة فيه بجد".
وأضافت برديس، أنها كانت في غفلة حتى فوجئت بوفاة الراقصة "غزل"، قائلة: "أول مرة أفقد حد كنت بشوفه قدام عيني من نفس المجال، والله العظيم من يوم سماعي الخبر وأنا متدمرة، وسبب عدم حضوري الجنازة إني والله العظيم كنت خارج مصر".
وتابعت: "الله يرحمها وقطع لسان أي حد يجيب سيرتها، محدش عالم بظروف حد إلا ربنا، فالحمد لله ده قراري بجد، وعلى فكرة أنا مش لابسة الحجاب أنا عايشة حياتي بالتزام وعايشة سني اللي بيضيع مني، في مجال كله ياله نفسي وربنا يديني الخير ويديني الذرية الصالحة".
وأشارت، إلى أنها ليست مسؤولة عن أي صفحة تقوم بتنزيل صور لها ببدلة الرقص، قائلة: "إنتوا كلكوا أصحابي وبحبكم، ربنا يحسن خاتمتنا".